Stoku që përputhet me kontabilitetin
Çdo lëvizje stoku ka dokumentin e vet: fletë hyrje kur vjen malli, fletë dalje kur shitet ose konsumohet, lëvizje magazine kur kalon nga një magazinë te tjetra. Fletët e hyrjes dhe të daljes gjenerohen vetë nga faturat e blerjes dhe të shitjes, dhe mund të kërkoni aprovim para se të postohen. Kështu sasia në magazinë dhe vlera në kontabilitet dalin nga të njëjtat dokumente.
Nëse një artikull ka magazinë kryesore në kartelën e tij, dalja bëhet nga ajo magazinë edhe kur fatura është bërë nga një magazinë tjetër. Malli i rezervuar nuk del si i disponueshëm në dokumentet e tjera, dhe stokun negativ e lejoni ose e bllokoni sipas politikës suaj. Kur blini me kuti dhe shisni me copë, koeficienti i konvertimit e mban stokun në njësinë bazë.
Inventarizimi në fund të vitit
Ligji 25/2018 kërkon inventarizim të paktën një herë në periudhën raportuese, dhe DPT kërkon gjendjen analitike të inventarit më 31 dhjetor, me njësi, sasi, çmim dhe vlerë. Kartela e lëvizjeve të çdo artikulli jep sasinë dhe koston në çdo moment, ndaj diferencat e numërimit fizik i regjistroni para mbylljes, me rivlerësim inventari dhe me gjurmë të plotë kontabël. Hapat e tjerë janë te lista e mbylljes së vitit.
Për dyqanet me shumë artikuj, barkodet skanohen në punë dhe importohen në grup; shihni programin për market dhe dyqan.
