Nga blerja te nxjerrja jashtë përdorimit
Kur blini një aset, ai merr një numër serial unik dhe futet në kategorinë, nënkategorinë dhe grupin e vet, me skemën kontabël që i përket. Për çdo serial caktoni personin përgjegjës dhe datën e vënies në punë; kur blini disa njësi njëherësh, këtë e bëni në grup. Që andej, çdo ngjarje e asetit ruhet në historikun e tij: rivlerësimi, shtesat dhe rikonstruksionet, shitja ose nxjerrja jashtë përdorimit, secila me efektin e vet kontabël.
Amortizimi fiskal dhe ai menaxherial
Në Shqipëri amortizimi në pasqyrat financiare ndjek SKK 5, ndërsa ai fiskal ndjek normat e nenit 51 të ligjit 29/2023 për tatimin mbi të ardhurat. Kur dy shifrat ndryshojnë, diferenca rregullohet te baza tatimore. Prandaj programi e llogarit amortizimin fiskal dhe atë menaxherial paralelisht, secilin me metodën që zgjidhni, dhe ju nuk mbani një tabelë Excel më vete për njërin prej tyre.
Në vitin e blerjes ose të nxjerrjes jashtë përdorimit, amortizimi fiskal llogaritet në përpjesëtim me periudhën e përdorimit. Normat dhe hapat e tjerë të fundvitit janë te lista e mbylljes së vitit, dhe deklarimi te deklarata e tatimit mbi fitimin.
Raportet e aseteve japin gjendjen, historikun dhe kartelën përmbledhëse për çdo kategori, që ju duhen edhe kur numëroni asetet në inventarizimin e fundvitit.
