Nga oferta te pagesa
Një shitje nis shpesh me kërkesën e klientit. Oferta që i dërgoni kthehet në urdhër dhe pastaj në faturë pa i rihedhur artikujt, dhe çdo dokument mban lidhjen me atë që e paraprin. Çmimi del nga niveli i çmimit dhe i zbritjes që keni caktuar për klientin, grupin ose artikullin, dhe marzhi llogaritet në çast.
Kur fatura postohet, magazina përditësohet me fletë daljen që gjenerohet nga fatura. Te fatura cash, mandati krijohet në të njëjtin moment. Kur klienti paguan disa fatura njëherësh, likuidimi i shlyen të gjitha dhe krijon vetë mandatin e arkëtimit, pa i mbyllur një nga një. Faturat e papaguara dhe parapagimet e klientit i shihni nga dokumenti që keni hapur, para se t’i jepni mall me afat pagese.
Blerjet dhe faturat nga SelfCare
Në anën e blerjes cikli është i njëjtë: kërkesë, ofertë e furnitorit, urdhër dhe faturë, me fletë hyrjen që gjenerohet nga fatura. Faturat elektronike që furnitorët i lëshojnë në SelfCare importohen përmes devPOS, ndaj nuk i hidhni me dorë. Si pranohen ose refuzohen në platformë e shpjegojmë te faturat e blerjes në SelfCare.
Një faturë e fiskalizuar nuk anulohet; gabimi korrigjohet me faturë korrigjuese, dhe rastet i kemi te fatura korrigjuese në SelfCare. Për volume të mëdha punoni me fatura të përmbledhura dhe me import nga Excel në formë të pivotuar.
